ማሳያ ክፍሎች

የመስቀል ዑደት፣ የእጅና የአንገት መስቀሎች — የኢትዮጵያ ክርስትና መለያ የሆኑ የጥበብ ሥራዎች። ሁለት መስቀሎች ፈጽሞ አይመሳሰሉም፤ እያንዳንዱ አንጥረኛ ያንኑ ምልክት በአዲስ ሐረግ ያስጌጠዋል።

በግዕዝ የተጻፉ የብራና መጻሕፍት፤ ወንጌል፣ መዝሙረ ዳዊት፣ የዜማ መጻሕፍትና ገድላት። በመቃ ብርዕ በእጅ ተጽፈው በእንጨት ገበታ የተጠረዙ ናቸው።

በገበታና በሸራ ላይ የተሣሉ ቅዱሳት ሥዕላት — በትልልቅ ዓይኖች፣ በጉልህ መስመሮችና በደማቅ ቀለማት የሚታወቀው የኢትዮጵያ የአሣሣል ስልት።

ለአምልኮ የሚያገለግሉ ንዋያተ ቅድሳት፤ ጽዋዕ፣ ጽና፣ ጃንጥላና አልባሳት። አብዛኞቹ የምእመናን ስጦታዎች ሲሆኑ በዐበይት በዓላት ዛሬም ያገለግላሉ።

ከቅዱስ ያሬድ የተወረሰው የዜማ መሣሪያዎች፤ ከበሮ፣ ጸናጽልና መቋሚያ።